8 март модаронро табрик мекунанд

Душанбе, 5 март. (АМИТ «Ховар», Кристина Эрлих). – 8 март мардуми ҷаҳон Рӯзи байналмилалии занонро таҷлил менамоянд. Дар Тоҷикистон ин рӯз ба хотири қадр кардани мақому манзалати зан Рӯзи Модар эълон шудааст. 8 март дар Тоҷикистон рӯзи истироҳат аст. Чун 8 март ба рӯзи муқаррарии панҷанбе рост меояд, мувофиқи Қонуни ҶТ «Дар бораи рӯзҳои ид» ин рӯз ба 9 март гузаронида намешавад ва он рӯзи корӣ ба ҳисоб меравад. 10 ва 11 март, ки ба рӯзҳои шанбе ва якшанбе рост меоянд, рӯзҳои муқаррарии истироҳат мебошанд. Дар ин бора мудири шӯъбаи ҳуқуқи Федератсияи иттифоқҳои касабаи мустақили Тоҷикистон Исмоил Файзиев ба АМИТ «Ховар» хабар дод.Дар бисёр кишварҳои ҷаҳон Рӯзи Модарро дар вақтҳои гуногун таҷлил мекунанд. Дар Тоҷикистон Рӯзи Модар яке аз идҳои дӯстдоштаи мардум гардидааст.