Баррасии Ёддошти тафоҳум дар парлумон
Душанбе, 19 март.(АМИТ «Ховар», Марзия Саидова).-Лоиҳаи Қонуни Ҷумҳурии Тоҷикистон «Дар бораи баҳисобгирии инфиродӣ дар низоми суғуртаи ҳатмии нафақавӣ» 19 март дар ҷаласаи навбатии Шӯрои палатаи поёнии парлумони мамлакат дар ҳузури Шукурҷон Зуҳуров, раиси Маҷлиси намояндагон баррасӣ шуд. Дар ин хусус ба АМИТ «Ховар» Муҳаммадато Султонов, котиби матбуотии Маҷлиси намояндагон иттилоъ дод. Аъзои Шӯро ҳамзамон масъалаи ворид намудани тағйиру иловаҳо ба Қонуни Ҷумҳурии Тоҷикистон «Дар бораи муроҷиатҳои шаҳрвандон» ва ба Кодекси мурофиавии граждании Ҷумҳурии Тоҷикистон», инчунин Ёддошти тафоҳум байни Ҳукумати Ҷумҳурии Тоҷикистон ва Созмони Амният ва Ҳамкорӣ дар Аврупо /САҲА/ дар бораи шартҳои будубоши Дафтари САҲА дар Ҷумҳурии Тоҷикистонро баррасӣ намуданд.