Беҳтарин ректор дар соли 2011
Душанбе, 13 март. (АМИТ «Ховар», Дилшодаи Хайруллоҳ).- Тибқи қарори ҳакамони Ассотсиатсияи байналмилалии соҳибкорон ва Маркази ҳифзи ҳуқуқ ва дастгирии соҳибкорони Ҷумҳурии Тоҷикистон- «Идеал» бахшида ба 20- солагии Истиқлолияти давлатии Ҷумҳурии Тоҷикистон ректори донишкадаи соҳибкорӣ ва хизмат, профессор Файзалӣ Комилов ғолиби озмуни «Беҳтарин роҳбари мактаби олӣ дар соли 2011» дониста шудааст.Дипломи фахрии «Беҳтарин ректори мактаби олӣ дар соли 2011»-ро вазири маорифи Тоҷикистон Нуриддин Саидов рӯзи 12 марти соли 2012 дар ҷаласаи васеи мушовараи вазорат бо иштироки мудири шӯъбаи илм ва маорифи Дастгоҳи иҷроияи Президенти Ҷумҳурии Тоҷикистон Абдулҳамид Нозимов ва ректорони мактабҳои олии ҶТ ба Файзалӣ Комилов супорид.