Боздиди ҳайати Олтой аз ПСС
Душанбе, 16 март. (АМИТ «Ховар», Покиза Маҳмадбекова). – 15 март дар Палатаи савдо ва саноати Тоҷикистон мулоқоти аҳли тиҷорати мамлакат бо ҳайати иқтисодии кишвари Олтойи Федератсияи Русия баргузор гардид. Тавре аз Палатаи савдо ва саноати ҷумҳурӣ ба АМИТ «Ховар» хабар доданд, сарварии ҳайатро муовини ҳокими кишвари Олтойи ФР Борис Ларин ба ӯҳда дорад.Мақсад аз сафари ҳайат таҳким бахшидани равобити тиҷоратию иқтисодӣ ва илмию техникии миёни ду кишвар, ҳамчунин шиносоии аҳли тиҷорати Тоҷикистон бо имконоти иқтисодии кишвари Олтой аст.Зимни мулоқот ба чунин самтҳои асосии ҳамкории иқтисодӣ, чун ҳамкории инвеститсионию кооперативӣ дар арсаи кишоварзӣ, таваҷҷӯҳи хоса зоҳир шуд.- Маҳсулоти асосии содироти Тоҷикистон тибқи созишномаю қарордодҳои минтақавӣ иборат аз маҳсулоти меваю сабзавот, консерв ва меваи хушк мебошад, — гуфт муовини раиси Палатаи савдо ва саноати ҶТ Лариса Кислякова.Дар ҷараёни мулоқот изҳор шуд, ки ҷонибайн хостгори дар амал татбиқ намудани лоиҳаҳои мушаххас дар бахши ба Тоҷикистон фиристодани орду маҳсулоти ярма, техникаи кишоварзӣ ва қисмҳои эҳтиётии он мебошанд.