Дастрасӣ ба иттилоот дар Бадахшон
Душанбе, 13 март. (АМИТ «Ховар», Лаззат Диловарзод),- Радиои Бадахшон танҳо барои 30 ҳазор аҳолии он дастрас аст. Бино ба гуфти сардори идораи радио ва телевизиони Бадахшон Баҳодур Саодатшоев, то давраи солҳои 90 –уми асри гузашта радиои Бадахшон тавассути сим ба гӯши сокинони деҳоти дурдасти вилоят расонида мешуд. Баъд аз давраи нооромиҳо ва тахриб шудани симҳои радиоӣ аз 200 ҳазор аҳолии вилоят ҳамагӣ 30 фоиз ё 67 ҳазор нафар сокини ин вилоят имкони шунидани барномаҳои радиои маҳаллиро доранд.Ба гуфти мутахассисони радиошунавонии вилоят барои насби фиристандаҳои мавҷ дар тамоми маҳалҳои аҳолинишин беш аз 4 млн. сомонӣ зарур аст, ки маркази пахши барномаҳо чунин имконияти молиявиро надорад.-Дар ду соли оянда — (2013 — 2014) ҳамагӣ 47 фоизи аҳолӣ имкони дастрасӣ ба радиои вилоятро пайдо мекунад, боқӣ 53 фоизи аҳолӣ танҳо соли 2020 имкони пурра шунидани барномаҳои радиои вилоятро доро хоҳанд шуд,- иброз дошт Б. Саодатшоев ба мухбири АМИТ «Ховар».