Маркази ҳунари бонувон
Душанбе, 9 март. (АМИТ «Ховар», Бекназари Абӯбакр). — Ба муносибати Рузи Модар дар шаҳри Хуҷанд маркази ҳунар барои бонувон кушода шуд. Аз хадамоти матбуоти раиси вилояти Суғд ба АМИТ «Ховар» хабар доданд, ки маркази ҳунар барои бонувон бо дастгирии раиси вилоят Коҳир Расулзода дар назди шӯъбаи кор бо занон ва оилаи мақомоти иҷроияи ҳокимияти давлатии вилоят таъсис дода шудааст. Фаъолияти марказ барои касбомӯзии занону духтарон ва ҳамчунин баланд бардоштани савияи дониши ҳуқуқиии онҳо равона гардида, алҳол дар он 85 нафар духтарон бо омӯхтани касбҳои гуногун, аз қабили дӯзандагӣ, бофандагӣ, кешбофӣ ва машшотагӣ машғуланд.