Мусодираи маводи нашъаовар дар шимоли кишвар
Душанбе, 28 март. (АМИТ «Ховар», Лутфия Эшонқулова). – Кормандони мақомоти ҳифзи ҳуқуқи ҷумҳурӣ дар шимоли кишвар беш аз 16 килограмм маводи нашъаоварро мусодира намуданд.Мувофиқи хабари сардори хадамоти матбуоти ВКД ҶТ Маҳмадулло Асадуллоев, дар ҷараёни амалиёт дар ҳудуди шаҳри Хуҷанд сокини 44 – солаи ноҳияи Ҷаббор Расулов дастгир шуда, аз 31 бастаи полиэтилении ӯ 16 килограмму 62 грамм ҳашиш пайдо гардид.Аз рӯи ин ҳодиса парвандаи ҷиноӣ кушода, тафтишот идома дорад.Тибқи маълумоти роҳбари хадамоти матбуоти ВКД, тайи ду рӯзи охир беш аз 40 килограмм ҳашиш ва аз оғози соли ҷорӣ қариб 350 килограмм маводи нашъаовар мусодира гардидааст.