Нашри шумораи нахустини «Муҳоҷир»
Душанбе, 27 март. (АМИТ «Ховар», Лутфия Эшонқулова).- Дар Тоҷикистон нахустин шумораи нашрияи «Муҳоҷир» ба табъ расид, ки вобаста ба фаъолияти меҳнатии ҳамватанони муҳоҷир ва доир ба масъалаҳои ташкилии сафар, вазъи умумии кору зиндагӣ ва мушкилоти онҳо дар кишварҳои хориҷӣ, қонуну қоидаҳои мамлакати қабулкунанда мавод нашр намудааст .Тавре ки ба АМИТ «Ховар» аз маркази матбуоти Хадамоти муҳоҷиратиназди Ҳукумати Ҷумҳурии Тоҷикистон хабар доданд, рӯзномаи «Муҳоҷир» на танҳо паҳлӯҳои гуногуни ҳаёти муҳоҷирони меҳнатӣ — шаҳрвандони Ҷумҳурии Тоҷикистон дар кишварҳои хориҷӣ, балки зиндагии муҳоҷирони меҳнатии шаҳрвандони хориҷӣ дар Тоҷикистон, назорат ва ҳолати будубоши онҳоро низ инъикос менамояд.