Семинари Бонки Рушди Осиё
Душанбе, 27 март. (АМИТ «Ховар», Пайрав Назаров). – Бо ибтикори Бонки Рушди Осиё ва Ҳукумати Ҷумҳурии Тоҷикистон аз 27 то 28 март дар шаҳри Душанбе семинар дар мавзӯи истифодаи маблағҳо баргузор мешавад. Дар кори семинар қариб 30 нафар мансабдорони ҳукумат ва кормандони агентиҳои иҷроия ва марказҳои оид ба татбиқи лоиҳаҳои аз ҷониби Бонки Рушди Осиё маблағгузоришаванда, кормандони намояндагии доимии Бонки Рушди Осиё дар ҶТ иштирок менамоянд. Назар ба гуфтаи мутахассиси Бонки Рушди Осиё Асел Чингишева, вазифаи асосии ин тадбир иборат аз воқиф намудан ва ба иштирокдорони семинар омӯхтани қоидаҳои Бонки Рушди Осиё ҷиҳати ҷудо кардан ва истифода намудани маблағу кӯмакҳои бебозгашт мебошад.Ҳаҷми умумии кӯмаки Бонки рушди Осиё ба Тоҷикистон аз соли 1998 дар шакли қарзҳои имтиёзноку бебозгашт ва кӯмаки техникӣ қариб 860 миллион доллари ИМА — ро ташкил дод. Фаъолияти Бонки Рушди Осиё бо усули беҳдошти дастрасӣ ба нерӯи барқ, хизматрасонии самарабахши иҷтимоӣ ва фароҳам овардани шароити мусоиди иқтисодӣ ба аҳолии кишвар фоидаи зиёде меоварад.Дар ин бора аз намояндагии Бонки Рушди Осиё дар Тоҷикистон ба АМИТ «Ховар» хабар доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
