Таҷлили Наврӯз дар Кембриҷ
Душанбе, 14 март. (АМИТ «Ховар», Бекназари Абӯбакр). — 9 марти соли 2012 дар Донишгоҳи Кембриҷи Британияи Кабир бо иштироки сафоратҳои кишварҳои Осиёи Марказӣ ва Озарбойҷон ҷашни наврӯзӣ барпо гардид. Чорабинии мазкур бо ташаббуси Форуми Осиёи Марказии Донишгоҳи Кембриҷ ташкил шуда, аз мизи мудаввар ва барномаи фарҳангӣ иборат буд:. Дар мизи мудаввар таҳти унвони “Имкониятҳои нав дар Роҳи Абрешим” Сафири Фавқулодда ва Мухтори Ҷумҳурии Тоҷикистон дар Шоҳигарии Муттаҳидаи Британияи Кабир ва Ирландияи Шимолӣ Эркин Қосимов ҳозиринро бо имконоти Тоҷикистон дар эҳё ва рушди Роҳи Абрешим шинос намуд. Аз ҷумла, маълумоти муфассал доир ба имкониятҳои ҷойдоштаи Тоҷикистон дар соҳаҳои гидроэнергетика, нақлиёт, хатҳои интиқоли барқ пешкаш гардид. Дар оғози барномаи фарҳангӣ Сафири Тоҷикистон китоби “Tajikistan — 20”-ро, ки аз номи Президенти Ҷумҳурии Тоҷикистон барои китобхонаи Донишгоҳи Кембриҷ ирсол гардида буд, ба намояндаи донишгоҳи мазкур тақдим кард. Сипас намояндагони ҳар як кишвари Осиёи Марказӣ, ки аксари онҳоро донишҷӯён ташкил медоданд, бо барномаҳои консертӣ баромад намуданд. Дар ҳошияи чорабинии мазкур сафорат намояи наврӯзӣ орост. 24 марти соли 2012 сафорати Тоҷикистон маъракаи идонаро бахшида ба Наврӯз дар Лондон мегузаронад.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
