Технологияи иттилоотӣ барои ВКХ ҷумҳурӣ

Душанбе, 19 март. (АМИТ «Ховар», Пайрав Назаров). – Сафорати Ҷумҳурии Куриё дар Душанбе Вазорати корҳои хориҷии Ҷумҳурии Тоҷикистонро бо таҷҳизоти иттилоотӣ дастрас намуд. Тавре дар Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, ҷонибҳо лоиҳаи мазкурро мутобиқи паймонҳои қаблиашон дар ҳошияи Барномаи расонидани кӯмаки техникӣ ба Вазорати корҳои хориҷии Ҷумҳурии Тоҷикистон дар амал татбиқ намуданд.Дар маросими расмии супуридани таҷҳизот вазири корҳои хориҷии Ҷумҳурии Тоҷикистон Ҳамрохон Зарифӣ ва вакили муваққатии умури Сафорати Ҷумҳурии Куриё дар Ҷумҳурии Тоҷикистон Ён Ҷон — ку ширкат доштанд.