Футбол: даври аввали мавсими нав

Душанбе, 9 апрел. ( АМИТ «Ховар», Аловиддин Бӯриев).- Дар бозии нахустини мавсими нави футбол дастаи “Хайр”-и Ваҳдат меҳмони худ “Истаравшан”-и Истаравшанро бо натиҷаи 4 бар 1 шикаст дод. Аввалин голи мавсими ҷадидро Обид Исмоилов аз дастаи “Истаравшан” ба ҳадаф расонд. Бозии дигар миёни дастаҳои «Энергетик»-и Душанбе ва «Хуҷанд»-и Хуҷанд дар варзишгоҳи «Барқ»-и Норак барпо гардид. Ин бозӣ бо натиҷаи мусовӣ — 2:2 поён ёфт. «Истиқлол»-и Душанбе дар варзишгоҳи «Металлург»-и Турсунзода бо тими «Ҳосилот»-и Фархор вохӯрда, бо ҳисоби қотеъи 4 бар 1 зафар ёфт. Ягона голи задаи Комрони Мирзохон дар варзишгоҳи «Фурудгоҳ» ғалабаи «Вахш»-и Қӯрғонтеппаро бар соҳибони майдон «Парвоз»-и ноҳияи Бобоҷон Ғафуров таъмин кард. «Зарафшон»-и Панҷакент дар меҳмонии “Равшан” бо ҳисоби 2 бар 0 мағлуб шуд. Бозии охирини даври аввал миёни тимҳои «Гвардия»-и Душанбе ва «Регар-ТадАЗ»-и Турсунзода рӯзи 9-уми апрел дар варзишгоҳи «Металлург»-и шаҳри Турсунзода доир хоҳад шуд.