Таъмини сокинони деҳот бо оби тозаи нӯшокӣ

Душанбе, 5 апрел. (АМИТ «Ховар», Бекназари Абӯбакр). — Дар доираи татбиқи Қарори Ҳукумати Ҷумҳурии Тоҷикистон аз 2 декабри соли 2006 «Дар бораи тасдиқи барномаи беҳтар намудани таъмини аҳолии кишвар бо оби поки нӯшокӣ барои солҳои 2008-2020» сокинони маҳаллаи Хоҷаи Ҳалвоии ҷамоати деҳоти Ёрии шаҳри Панҷакент бо оби поки нӯшокӣ таъмин гаштанд.Аз хадамоти матбуоти раиси вилояти Суғд ба мухбири АМИТ «Ховар» иттилоъ доданд, ки 68 хоҷагии маҳаллаи мазкур то ин дам оби нӯшокиро аз масофаи 2 км роҳ мекашониданд. Бо дастгирии мақомоти иҷроияи ҳокимияти давлатии шаҳр ва бо маблағгузории ташкилоти башардӯстонаи «Глобалпартнерс» ва хизматрасонии аҳолии маҳалла аз масофаи 2 ҳазору 30 метр, аз мавзеи чашмаи Калламардак ба маҳаллаи Хоҷаи Ҳалвоӣ хати оби нӯшокӣ кашида шуд.