38 тӯй дар як рӯз
Хоруғ, 22 май. (АМИТ «Ховар», Л.Додо ). – Дар ноҳияи Рӯшон барои иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» корҳои зиёде анҷом дода мешаванд. Чанде пеш дар ҷамоати деҳоти Савноби ноҳияи Рӯшон тӯи дастаҷамъонаи 14 ҷуфт навхонадорон ва тӯи суннатии 24 нафар наврасон роҳандозӣ шуд. Раиси ВМКБ Қодири Қосим навхонадорону наврасонро табрику таҳният гуфта, ба ҳар яки онҳо тӯҳфаҳои хотиравӣ ва мукофоти пулӣ тақдим намуд. Маросим дар вазъияти хотирмон сурат гирифт.