«Агар солим будан хоҳӣ, бидав!»
Кӯлоб, 22 май.(АМИТ «Ховар», Ф.Мадаминов). – Таҳти чунин унвон дар тамоми минтақаи Кӯлоб, аз ҷумла дар шаҳри Кӯлоб ба муносибати Рӯзи дави миллӣ мусобиқаи бештар аз панҷ ҳазор нафар дар масофаи панҷ километр баргузор шуд. Дар он донишомӯзону донишҷӯёни муассисаҳои таълимӣ, коргару кормандони корхонаҳои саноату сохтмон, нақлиёт ва идораҳои дигар ширкат намуданд. Ба ғолибони Дави миллӣ аз ҷониби ҳукумати шаҳри Кӯлоб тӯҳфаҳои хотиравӣ тақдим гардид.