Баррасии масоили хизмати давлатӣ

Душанбе, 3 май. (АМИТ «Ховар», Дилшодаи Хайруллоҳ). — Имрӯз дар Раёсати хизмати давлатии назди Президенти ҶТ семинари амалӣ бо кормандони хадамоти кадрии мақомоти давлатӣ ва ташкилоту муассисаҳо дар мавзӯи «Масъалаҳои хизмати давлатӣ ва кор бо кадрҳо» баргузор гардид.Дар семинар Гурез Қосимов– муовини сардори Раёсати хизмати давлатии назди Президенти Ҷумҳурии Тоҷикистон ва мушовирони Президенти Ҷумҳурии Тоҷикистон доир ба сиёсати кадрҳо А. Шарифов ва Ш.Орумбеков иштирок намуда, дар бораи ҳолати иҷрои Барномаи татбиқи консепсияи сиёсати давлатии кадрҳо барои солҳои 2009-2016 ва натиҷаи баргузории баҳодиҳии фаъолият, ҷойивазкунӣ (ротатсия), озмун, аттестатсия, кор бо захираҳо дар соли 2011 сухан гуфтанд.Ҳамчунин зикр гардид, ки дар шароити ҳассоси замони муосир ҳадафи асосии давлат пеш аз ҳама таъмини рушди босуботи иқтисодӣ ва тадриҷан баланд бардоштани сатҳу сифати зиндагии мардум тавассути татбиқи ислоҳоти низоми идораи давлатӣ, таъмини шаффофияти фаъолияти мақомоти он, фароҳам овардани фазои мусоид барои рушди соҳибкорӣ, ҷалби сармоя ва воридоти технологияҳои пешрафта ва дар ин замина ташкил кардани ҷойҳои нави корӣ мебошад.Хотиррасон мекунем, ки семинари мазкур тибқи дастуру нишондодҳое, ки дар Паёми Президенти ҶТ Эмомалӣ Раҳмон ба Маҷлиси Олӣ баён шудааст, баргузор гардид.