Бартарафсозии қонунгузории замин
Душанбе, 10 май. (АМИТ «Ховар», Лаззат Диловарзод).- Дар давоми моҳҳои январ- апрели соли ҷорӣ аз ҷониби мақомоти заминсозии ҷумҳурӣ 2 ҳазору 843 ҳолати қонуншикании замин ошкор гардидааст,- иброз доштанд дар Кумитаи давлатии заминсозӣ ва геодезии ҶТ ба мухбири АМИТ «Ховар».Тибқи иттилои манбаъ, мақомоти заминсозӣ нисбат ба 2 ҳазору 505 ҳолат дастур, нисбат ба 1 ҳазору 510 ҳолат протокол ва нисбат ба 1 ҳазору 507 ҳолат қарори ҷаримабандӣ қабул намуданд. Аз 509 ҳазор сомонии маблағи ҷаримашуда 337 ҳазор сомонӣ ба суратҳисоби Кумитаи заминсозии ҷумҳурӣ ворид шудааст. Ҳамчунин барои чораҷӯӣ 185 мавод ба прокуратура ва 195 мавод барои ситонидани маблағи ҷарима ба судҳо фиристонида шудааст.