Дар бораи техникаи кишоварзӣ чӣ гуфтан мумкин?

Душанбе, 21 май. (АМИТ «Ховар, Лаззат Диловарзод»).- Тибқи маълумоти маркази матбуот ва иттилооти Вазорати кишоварзӣ, то 1-уми майи соли 2012 дар хоҷагиҳои ҷамъиятӣ ва деҳқонӣ 12 ҳазору 641 адад тракторҳои гуногунтамға ба қайд гирифта шудааст, ки аз он 6 ҳазору 690 адад ё 69 фоизаш коршоям мебошад. Аз шумораи умумии ин тракторҳо 2 ҳазору 553-тои он шудгоркунанда буда, 1619-тои он коршоям аст.Дар хоҷагиҳои ҷамъиятиву деҳқонӣ ҳамчунин 551 комбайнҳои ғалладарав ва 3 ҳазору 964 автомобилҳои боркаш мавҷуд аст, ки мутаносибан 55 ва41 фоизи онҳо коршоям мебошад. Пас дар сурате, ки 60 фоизи техникаи кишоварзӣ корношоям аст, дар бораи амалӣ шудани сиёсати иқтисодии кишвар ва таъмини аҳолӣ бо маводи озуқа чӣ ҷойи баҳс аст.