Дипломати финӣ муносиботро тавсеа бахшиданист

Душанбе, 28 май.(АМИТ «Ховар», Марзия Саидова).-Самтҳои афзали ҳамкориҳои гуногунсоҳаи Тоҷикистону Финляндия дар Душанбе зимни мулоқоти Назира Ғаффорова, муовини раиси Маҷлиси намояндагони Маҷлиси Олии ҷумҳурӣ бо Туула Юрела, сафири Финляндия дар Тоҷикистон матраҳ шуд.Мусоҳибон ҳамзамон доир ба дурнамои ҳамкориҳои байнипарлумонӣ табодули назар намуданд. Зикр шуд, ки парлумонҳои Тоҷикистону Финляндия бо қабули санадҳои зарурӣ фазои ҳуқуқӣ ва қонуниро ҷиҳати тақвияти робитаҳои ҳасана фароҳам овардаанд.Назира Fаффорова гуфт, ки байни парлумонҳои ҳар ду кишвар гурўҳи дўстӣ ва ҳамкорӣ фаъолият менамояд, ки он дар тавсеаи равобити байнипарлумонӣ нақши муассир мегузорад. Мавсуф сафари ҳайати парлумонии Тоҷикистонро ба Финляндия, ки қаблан сурат гирифта буд, маҳсули робитаҳои байнипарлумонӣ арзёбӣ кард.Дар навбати худ дипломати финӣ Туула Юрела таъкид кард, ки ҳангоми фаъолияти дипломатиаш дар Тоҷикистон тамоми нерўи худро баҳри тавсеаи робитаҳои мутақобилан судманди Тоҷикистону Финляндия сафарбар хоҳад кард.