Истифодаи нури лазерӣ дар соҳаи чорводорӣ
Душанбе, 8 май. (АМИТ «Ховар», Лаззат Диловарзод).- «Олимони Пажӯҳишгоҳи чорводорӣ дар хоҷагиҳои зотпарварӣ, ки дар асоси тадқиқоти илмӣ фаъолият менамоянд, гурӯҳҳои селексионии ҷавҳари зотиро интихоб намуданд, ки онҳо аз ҷиҳати маҳсулнокӣ нисбат ба гурӯҳҳои истеҳсолӣ то 15 фоиз бартарӣ доштанашон собит гардид. Дар гурӯҳҳои селексионии говҳои сершир буққаҳои зоти голштинӣ ва зоти шведии селексияи амрикоӣ истифода шуд, ки дар натиҷа маҳсулнокии шири онҳо як баробар зиёд гардид»,- иброз дошт президенти Академияи илмҳои кишоварзӣ академик Ҳукматулло Аҳмадов ба мухбири АМИТ «Ховар».Ба гуфти Ҳ. Аҳмадов, бори аввал аз ИМА ба миқдори 2 ҳазору 200 воя нутфаи таккаҳои бузи ангорӣ ворид ва дар кори селексияи чорво тавассути истифодаи нури лазерӣ тадқиқ гардид.