Ёде аз забоншиноси маъруф

Душанбе, 15 май. (АМИТ «Ховар», Мавҷуда Анварӣ). – Имрӯз дар толори Институти забон, адабиёт, шарқшиносӣ ва мероси хаттии ба номи Рӯдакӣ бахшида ба 80-солагии забоншиноси маъруф, доктори илми филология, профессор Додихудо Карамшоев бо иштироки олимон, забоншиносон, донишмандону муҳаққиқон ва ҳамкорону шогирдон маҳфили ёдбуд баргузор гардид. Ёдбудро бо сухани ифтитоҳӣ Президенти Академияи илмҳои ҶТ, академик Мамадшо Илолов оғоз бахшид. Доктори илмҳои филологӣ М. Аламшоев, профессор Парвона Ҷамшедов ва номзади илмҳои филологӣ С. Матробов дар мавзӯъҳои «Додихудо Карамшоев-луғатшинос ва педагог», «Саҳми Д. Карамшоев дар омӯзиши забонҳои помирӣ» маърӯза намуданд. Ҳамчунин дар маҳфил хотироти ҳамкорон, шогирдон ва дӯстони олим шунида шуд.