Дар шимоли Покистон 30 нафар халок гардид
Душанбе, 4 июн. ( АМИТ «Ховар», Иброҳими Ҳабибуллоҳ).- Дар шаҳри Каҳот, воқеъ дар қисми шимолии Покистон автобусе, ки толибилмонро баъди иштирок кардан дар як мусобиқаи варзишӣ ба хонаҳояшон интиқол медод, ҳангоми ҳаракат дучори садама гардид.Дар вақти садама 30 нафар халок шуда ва низ шахсони зиёд захмҳои гуногун бардоштанд.Бояд қайд кард, ки ҳангоми ҳодиса дар дохили автобус 100 нафар қарор доштанд. Мутахассисони Вазорати корҳои дохилии кишвар сабаби рух додани фоҷеаро дар вайрону валангор ва таъмирталаб будани роҳҳои мошингард арзёбӣ мекунанд.