«Гулшан» ва «Зебо» дар Рашт
Рашт, 8 июн. (АМИТ «Ховар», Мирзосафар Ризвонов).- Чанд рӯз аст, ки як гурӯҳ ҳунармандони Вазорати фарҳанги ҷумҳурӣ бо иштироки ҳунарпешагони ансамбли «Гулшан» ва ансамбли рақсии «Зебо» дар меҳмонии сокинони минтақаи Рашт қарор доранд. Гурӯҳ дар марказҳои ноҳияҳои Ҷиргатол, Тоҷикобод, Рашт ҳунарнамоӣ кард. Махсусан ҳунарнамоии сарояндагони хушовоз Ҷаъфар Соиров, Зиёда Қадамова, Бахтиёр Иброҳимов, Иноятулло Холов, Убайдулло Кароматов ва ансамбли рақсии «Зебо» ба тамошобинон писанд омад.Сафари ҳунарпешагон дар минтақа давом дорад.