Машқҳои «Қосиди сулҳ – 2012»

Душанбе, 7 июн. (АМИТ «Ховар», Лутфия Эшонқулова). – Имрӯз, 7 июн, дар машқгоҳи Чоруқдаррони гарнизони ҳарбии Суғд машқҳои муштараки ҳарбии зиддитеррористии вазоратҳои мудофиаи мамлакатҳои аъзои Созмони Ҳамкории Шанхай таҳти унвони «Қосиди сулҳ – 2012» оғоз ёфт. Мувофиқи хабари Вазорати мудофиаи мамлакат, машқҳоро фармондеҳи қӯшунҳои пиёдагарди Вазорати мудофиаи Тоҷикистон Эмомалӣ Собиров роҳбарӣ мекунад. Дар машқҳо беш аз 2 ҳазор нафар сарбозону афсарони Тоҷикистон, Қазоқистон, Чин, Қирғизистон ва Русия иштирок доранд. Аз ҷумлаи кишварҳои аъзои СҲШ танҳо Ӯзбекистон дар машқҳои «Қосиди Сулҳ – 2012» иштирок надорад. Дар машқҳо ҳамчунин авиатсияи низомӣ, артиллерия ва техникаи зиреҳпӯш иштирок доранд. Ҷараёни машқҳоро Вазири мудофиаи ҶТ Шералӣ Хайруллоев, мансабдорони олимақоми ҳарбии кишварҳои аъзои СҲШ ва давлатҳои ҳамсарҳад мушоҳида мекунанд.Машқҳои ҳарбӣ то 14 июн идома меёбанд.