Маводи хушсифати ғизоӣ

Душанбе, 22 июн. (АМИТ «Ховар», Кристина Эрлих). – Корхонаҳои маводи ғизоии Тоҷикистон барои таъмини аҳолии кишвар бо маҳсулоти хушсифати худ суръати истеҳсоли онро баланд бардоштаанд. Дар ин бора аз Вазорати энергетика ва саноати ҶТ ба АМИТ «Ховар» хабар доданд.Мувофиқи маълумоти Вазорати энергетика ва саноати кишвар, имсол аксарияти корхонаҳои хӯрокворӣ хатҳои нави технологиро насб намуда, таҷҳизоти нав дарёфт кардаанд. Бо усули ҷалби инвеститсияҳои дохилию хориҷӣ дар шаҳру ноҳияҳои ҷумҳурӣ корхонаҳои нави саноати хӯрокворӣ бунёд шудаанд, ки дорои хатҳои нави технологӣ мебошанд. Танҳо тайи соли ҷорӣ бо ҷалби инвеститсияҳо 10 корхонаи коркарди маҳсулоти ширӣ ва гӯшт таъсис ёфта, ҳамчунин дар беш аз 29 корхонаҳои саноатии кишвар истеҳсоли фишурдаи меваю сабзавот роҳандозӣ шудааст.