Нархи биринҷ боло рафт

Душанбе, 13 июн. (АМИТ «Ховар», Покиза Маҳмадбекова). – Дар бозорҳои ҷумҳурӣ моҳҳои охир нархи як килограмм биринҷ ба 9 сомонӣ баробар шудааст.  Ба иттилои Вазорати рушди иқтисод ва савдои Тоҷикистон, моҳи июни соли гузашта як кило биринҷ дар бозорҳои пойтахт ба 5 сомонию 60 дирам баробар буд. Тибқи иттилои манбаъ аз ҳама биринҷи арзон дар бозорҳои «Шоҳмансур» ва «Деҳқон» ба назар мерасад, ки ба 8 сомонӣ баробар аст. Ин нишондод дар бозорҳои «Саховат» ва «Варзоб» ба 9 сомонӣ баробар шудааст. Ба ақидаи фурӯшандагони биринҷи бозорҳои пойтахт ин маҳсулот сарфи назар аз ҳар мавсим ҳама вақт серхаридор аст.