«Оҳангҳои форсӣ» дар Театри опера ва балет
Душанбе, 4 июн. (АМИТ «Ховар», Людмила Дубинина). – Дар Театри академии опера ва балети ба номи С.Айнӣ нахустнамоиши балети «Оҳангҳои форсӣ» баргузор гардид. Тавре ки коргардони театр Шамсӣ Низомов ба АМИТ «Ховар» хабар дод, муаллифи ин композитсияи хореографӣ оҳангсози швед Нима Киан балетро дар асоси мусиқии бастакорони форс Паймон Султонӣ, Ҳусайн Ализода, Парвиз Мешкатян ва Александр Роҳбарӣ рӯи саҳна овардааст. Дар композитсия солистони ҷавони балети тоҷик, хатмкунандагони Коллеҷи академии хореографии шаҳри Перми Русия Фарангис Қосимова, Фарангис Ҳакимова, Парвина Тошмуҳаммедова, Мае Сираха иштирок доранд. Воқеан, Мае Сираха (Ҷопон) низ хатмкунандаи коллеҷи шаҳри Перм буда, алҳол дар гурӯҳи балети Театри опера ва балети Тоҷикистон кор мекунад. Дар композитсия баробари ҳунарпешагони ҷавон Ҳунарпешаи шоистаи Қирғизистон Айзода Оқматова низ иштирок дорад.Шамсӣ Низомов зикр намуд, ки иштирокдорони композитсия барои ҳунарнамоӣ ба шаҳри Гамбурги Олмон сафар мекунанд. Тайи солҳои истиқлолият пайдо намудани ҷумҳурӣ гурӯҳи балети Театри опера ва балети Тоҷикистон бори нахуст ба Аврупо сафар мекунад.