Шумораи дастаи олимпичиёни тоҷик дар Бозиҳои Лондон-2012 ба 15 нафар расид

Душанбе, 5 июн. (АМИТ «Ховар», Дилшодаи Хайруллоҳ).- Бо дастгирии Федератсияҳои байналмилалии варзиши сабук ва шиноварӣ 2 варзишгари тоҷикистонӣ — шиновар Екатерина Измоилова ва даванда Владислава Овчеренко бо иҷро намудани меъёрҳои муқарраргардидаи квалификатсионӣ иҷозат барои иштирок дар Бозиҳои Лондон-2012-ро дарёфт намуданд. Ҳамин тариқ шумораи иштирокчиёни Бозиҳои Олимпӣ аз Тоҷикистон ба 15 адад расид. Дар ин бора ба мухбири АМИТ «Ховар» аз бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иттилоъ доданд.