Соҳиби сертификати ҳуқуқи истифодаи замин шуданд
Душанбе, 4 июн. (АМИТ «Ховар», Лаззат Диловарзод).- Корхонаи воҳиди давлатӣ (КВД)-и «Марказ-Замин» дар давоми моҳҳои январ-апрели соли ҷорӣ бо дарназардошти парвандаи боқимондаи соли 2011 ба миқдори 12 ҳазору 301 адад парвандаҳои заминсозӣ, аз ҷумла 4 ҳазору 779 парвандаи замини хоҷагиҳои деҳқонӣ, 5 ҳазору 635 парвандаи замини наздиҳавлигӣ, 233 хоҷагии ёрирасони шахсии шаҳрвандон ва 1 ҳазору 654 парванда барои сохтмонро ба расмият дароварда, бо сертификати ҳуқуқи истифодаи замин таъмин намудааст,- иброз дошт директори корхонаи воҳиди давлатии «Марказ – Замин» Акрам Қаҳҳоров ба мухбири АМИТ «Ховар».