Тарҳрезӣ ва татбиқи барномаҳои рушди шаҳрҳои Тоҷикистон

Душанбе, 6 июн. (АМИТ «Ховар», Покиза Маҳмадбекова). – Имрӯз, 6 июн, дар шаҳри Душанбе мизи мудаввар дар мавзӯи «Тавсияномаи усулӣ ҷиҳати тарҳрезӣ ва татбиқи барномаҳои рушди шаҳрҳо, ноҳияҳо, мақомоти худидоракунии шаҳраку деҳот» баргузор гардид. Ин чорабинӣ бо дастгирии Барномаи рушди Созмони Милали Муттаҳид сурат гирифт. Дар кори мизи мудаввар намояндагони вазоратҳо, мақомоти иҷроияи ҳокимияти давлатӣ, созмонҳои байналмилалӣ, ҳамчунин иттиҳодияҳои ҷамъиятӣ ширкат доштанд.Мақсад аз ин чорабинӣ ба назари эътибор гирифтани фикру пешниҳодоти ҷонибҳои манфиатдор барои такмили роҳбарии усулӣ мебошад. Аз рӯи натиҷаи мизи мудаввар тавсияномаи мазкур такмил дода ва ҷиҳати тасдиқи он ба мақомоти марбута пешниҳод мешавад.