Кӯмаки давлати шоҳигарии Арабистони Саудӣ ба мардуми Тоҷикистон

Душанбе, 6 август. (АМИТ «Ховар»).-5 — уми августи соли ҷорӣ сафири давлати Арабистони Саудӣ Бандар Муҳамад Ал Ҷамил кўмакҳои давлати шоҳигарии Арабистони Саудиро иборат аз як мошини «Камаз» бо маводи озуқаворӣ аз шаҳри Душанбе ба ҷамъияти башардӯстонаи «Дармонбахш»-и шаҳри Қурғонтеппа ҳамроҳӣ намуд. Дар моҳи шарифи Рамазон барои 100 нафар пиронсолони бепарастор аз ҷумла иштирокчиёни Ҷанги Бузурги Ватанӣ, ятимону маъюбон, бепарасторон ва аъзои оилаҳои камбизоати шаҳри Қурғонтеппа ба миқдори 500 кг шакар, 500 кг биринҷ, 500 кг равғани растанӣ, 500 кг макарон, 500 кг лубиё ва хурмо, дар маҷмӯъ 3000 кг маводи ғизоӣ расонида шуд.