Сафари кории Қоҳир Расулзода ба вилояти Боткент

Душанбе, 15 август. (АМИТ «Ховар», Бекназари Абӯбакр). — Дирӯз раиси вилояти Суғд Қоҳир Расулзода ба вилояти Бодкенти Ҷумҳурии Қирғизистон сафари корӣ анҷом дод. Аз хадамоти матбуоти раиси вилоят ба АМИТ «Ховар» хабар доданд, ки зимни ин сафар масъалаҳои мубрами сиёсӣ, иқтисодиву иҷтимоӣ, марзӣ ва фарҳангӣ мавриди баррасӣ қарор мегиранд. Маврид ба ёдоварист, ки дар ҷаласаи охирини намояндагони байниҳукуматии ҷумҳуриҳои Тоҷикистону Қирғизистон 16-17 июни соли равон дар шаҳри Бишкек ҳамкориҳои вилояти Суғд ва вилояти Бодкент ҳамчун намунаи ҳамкориҳои самаранок зикр шуда буд.