Қарори Ҳукумати Ҷумҳурии Тоҷикистон амалӣ мегардад

Душанбе, 3 октябр. (АМИТ «Ховар», Лаззат Диловарзод).- Бино ба иттилои маркази матбуоти Ҷамъияти саҳомии «Помирэнерҷӣ», тибқи Қарори Ҳукумати чумҳурӣ «Дар бораи Барномаи дарозмуддати бунёди силсилаи нерӯгоҳҳои хурди барқӣ дар давраи солҳои 2009 — 2020» дар се марҳала сохтмони 16 нерӯгоҳи хурди барқи обӣ дар ВМКБ дар назар аст. Бояд ёдовар шуд, ки дар давраи соҳибистиқлолии Ҷумҳурии Тоҷикистон дар ВМКБ 33 нерӯгоҳи хурди барқи обӣ ба маблағи умумии беш аз 200 млн. сомонӣ бо иқтидори 31,8 мегават(т) сохта ба истифода дода шудааст.Дар айни замон, дар қаламрави вилоят сохтмони се нерӯгоҳ бо маблағи умумии 58 млн. сомонӣ дар ноҳияҳои Ванҷу Мурғоб идомал дорад, ки дутои онҳо аз рӯи нақша дар ноҳияи Ванҷ то охири соли ҷорӣ ба истифода дода мешавад.Ҳоло сокинони ВМКБ, ба истиснои ноҳияи Мурғоб, дар чор фасли сол ҳамарӯза аз 20 то 24 соат бо нерӯи барқ таъмин мебошанд, ки ин дар дигар минтақаҳои ҷумҳурӣ аз 8 то 11 соатро ташкил медиҳад.«Помирэнерҷӣ» ҷиҳати асосноккунии техникиву иқтисодӣ боз ду нерӯго — Себзор ва Санобод бо иқтидори лоиҳавии 125 мегават(т) нақшаеро рӯи даст дорад, ки бо амалӣ шудани он ВМКБ пурра бо барқи доимӣ таъмин хоҳад шуд.