Сохтмони роҳи «Шаҳон – Зиғор» идома дорад

Душанбе, 24 октябр. (АМИТ «Ховар», Кристина Эрлих). – Сохтмони роҳи мошингарди «Шаҳон – Зиғор» босуръат идома дорад. Баъди ба маҳалли сохтмон овардани таҷҳизоти нав ва техникаи махсус корҳо мувофиқи ҷадвал иҷро мешаванд.Тавре ки аз Маркази татбиқи лоиҳаи сохтмони роҳи мошингарди «Шаҳон – Зиғор» — и Вазорати нақлиёти Ҷумҳурии Тоҷикистон ба мухбири АМИТ «Ховар» хабар доданд, техникаи нави махсус имкон дод, ки суръати корҳои сохтмонӣ тезонида ва сифати он беҳтар карда шавад. Ҳоло дар сохтмони роҳи мошингард 57 техникаи гуногун мавриди истифода қарор дорад.Ширкати «SOBEN» — и Эрон пудратчии асосии роҳи мошингард мебошад. Лоиҳаи мазкур бо маблағҳои Бонки исломии рушд ва Ҳукумати Тоҷикистон дар амал татбиқ мегардад. Масофаи умумии роҳ 34 километрро ташкил медиҳад.Ба гуфтаи намояндаи Вазорати нақлиёти Ҷумҳурии Тоҷикистон, иншооти мазкур бояд дар даҳаи чоруми соли 2013 ба истифода дода шавад.