Баррасии масоили муносиботи иқтисодии Тоҷикистону Покистон

Душанбе, 22 ноябр. (АМИТ «Ховар», Бекназари Абӯбакр). — Масоили ҳамкориҳои иқтисодиву сармоягузории ҷумҳуриҳои Тоҷикистону Покистон дар мулоқоти раиси Кумитаи давлатии сармоягузорӣ ва идораи амволи давлатии ҶТ Давлаталӣ Саидов бо сафири Покистон дар Тоҷикистон Амҷад Ҳусейн В. Сали чанде қабл дар Душанбе баррасӣ гардиданд. Д. Саидов сатҳи ҳамкориҳои иқтисодии байни ду кишварро самаранок арзёбӣ намуда, зикр кард, ки ин раванд суръати тоза пайдо карда истодааст. Далели ин гуфтаҳо нишондиҳандаҳои гардиши мол миёни Покистону Тоҷикистон дар 9 моҳи соли 2012 аст, ки назар ба ҳамин давраи соли сипаригашта тақрибан 4-5 маротиба афзоиш ёфтааст.Инчунин тарафҳо оид ба масъалаҳо ва нақшаҳои рушди минбаъдаи ҳамкориҳо ва соддагардонии ҳамгироиву тамос байни намояндагони бахши хусусии ҳарду кишвар мубодилаи афкор намуда, оид ба чорандешӣ дар мавриди татбиқи созишҳои ба миёномада ибрози омодагӣ карданд.