Конфронс дар Бадахшон

Хоруғ, 2 ноябр. (АМИТ «Ховар», Л.Додо ). – Ба истиқболи 20 – умин солгарди Иҷлосияи 16 – уми Шӯрои Олӣ бо ибтикори мақомоти маҳаллии ҳокимияти давлатии ВМКБ, Пажуҳишгоҳи илмҳои гуманитарии Академияи илмҳои ҷумҳурӣ ва Институти биологии Помир дар мавзӯи «Аҳамияти таърихии иҷлосияи 16» конфронси илмию амалӣ баргузор гардид. Директори Пажуҳишгоҳи илмҳои гуманитарии Академияи илмҳои ҷумҳурӣ профессор Шодихон Юсуфбеков, номзадҳои илмҳои таърих Маҳмадризо Ҳалимшоев, Аллоҳуддин Шоҳинбеков, номзади илмҳои филологӣ Дорғабек Фозилов , доктори илмҳои кишоварзӣ Қозимаҳмад Абдуламонов дар мавзуъҳои «Иҷлосияи тақдирсози миллат», «Рушди Бадахшон баъди Иҷлосияи 16 Шӯрои Олӣ», «Иҷлосияе, ки Тоҷикистонро эҳё намуд» сухан ронда, зикр карданд, ки маҳз иҷлосияи 16 –уми Шӯрои Олӣ тақдири минбаъдаи мардуми тоҷикро муайян намуд.