Мактаби нав дар Осиёбдара

Рашт, 8 ноябр. (АМИТ «Ховар», М.Ризвонов). – Дар деҳаи Осиёбдараи деҳоти Ясмани ноҳияи Рашт солҳои зиёд мактаби ибтидоӣ фаъолият мекард ва хонандагони мактаб баъди хатми синфи 4 барои идомаи таҳсилашон шароити мусоид надоштанд.Дар арафаи рӯзи Конститутсия дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2010 – 2016» аз ҳисоби маблағҳои Дирексияи сохтмони иншооти ҳукуматии дастгоҳи иҷроияи Президенти Ҷумҳурии Тоҷикистон дар ин деҳаи дурдаст мактаби наву замонавии дорои 8 синфхона ба маблағи 683,4 ҳазор сомонӣ ба истифода дода шуд.Аз ин пас хонандагони деҳа имкон пайдо намуданд, ки дигар роҳи 10 – километраро тай накарда, таҳсилро дар мактаби деҳаи худ идома диҳанд.