Миқдори ёрии башардӯстона дар 10 моҳ

Душанбе, 27 ноябр. (АМИТ «Ховар», Лаззат Диловарзод).- Дар моҳҳои январ-октябри соли 2012 ба маблағи 54 млн. 113,2 ҳазор доллар ба Тоҷикистон кӯмаки башардӯстона ворид гардидааст.Ба иттилои Вазорати рушди иқтисод ва савдои ҷумҳурӣ, ин кӯмаки башардӯстона ворид гардида аз орд, хӯрокворӣ, дору ва либосу пойафзол иборат аст. Аз ҷумла, ба миқдори 12 ҳазору 92 тонна орд, 514,9 тонна равғани растанӣ, ба маблағи 19 млн. 620 ҳазор доллари амрикоӣ доруворӣ, ҳамчунин ба маблағи 2 млн. 47,8 ҳазор доллар либос ва пойафзол, дастгоҳҳои тиббӣ, асбобҳои маишии электронӣ, кӯрпаю болишт ва таҷҳизоти компютерӣ ворид шудааст.Аз рӯи арзиши ёрии башардӯстона таносуби бештар ба ИМА (37 фоиз), Чин (10,9 фоиз), Миср, Олмон, Латвия, Ҷумҳурии Корея, Эрон ва Фаронса рост меояд.Аз ИДМ аз рӯи таносуб ФР бо 13 фоизи кӯмакҳои башардӯстона дар ҷои аввал, Қазоқистон бо 3,5 фоз дар ҷойи дуюм ва Қирғизистон бо 1,2 фоизи кӯмакҳо дар ҷойи сеюм қарор доранд.