Мусодираи маводи нашъаовар

Душанбе, 23 ноябр. (АМИТ «Ховар», Лутфия Эшонқулова ). – Кормандони мақомоти ҳифзи ҳуқуқи ҷумҳурӣ дар шимоли кишвар беш аз 7 килограмм маводи нашъаоварро мусодира намуданд.Мувофиқи хабари Вазорати корҳои дохилии ҷумҳурӣ, дар ҷараёни амалиёти фаврӣ дар ҳудуди шаҳри Хуҷанд ронандаи автомобили тамғаи Subaru Legacy сокини 42 — солаи пойтахт бо гумонбари гардиши ғайриқонунии маводи нашъаовар дастгир шуда, аз мошини ӯ 7 килограмму 630 грамм тарёк пайдо гардид. Аз рӯи ин қазия парвандаи ҷиноӣ кушода, тафтишот идома дорад.