Рушди иқтисодӣ, бӯҳрон ва дурнамои низоми пулӣ

Душанбе, 15 ноябр. (АМИТ «Ховар», Бекназари Абӯбакр). – 17 ноябр дар шаҳри Қӯрғонтеппа ҷаласаи Клуби бозори озод дар мавзӯи «Рушди иқтисодӣ, бӯҳрон ва дурнамои низоми пулӣ» баргузор мегардад. Иштирокдорони ҷаласа сабабҳои сар задани бӯҳронҳои доимии иқтисодӣ, ҳамчунин дурнамои низому принсипҳои муосири пулиро, ки ояндаи низоми пулӣ бояд дар заминаи онҳо рушд ёбад, мавриди баррасӣ қарор медиҳанд.Хотирнишон месозем, ки Клуби зеҳнии бозори озоди ҷавонон шакли судманди интишори донишҳои иқтисодӣ байни ҷавонон ва маркази мубоҳиса барои мубодилаи озоди афкор ва муошират бо коршиносони соҳаи иқтисодиёт маҳсуб меёбад.Дар ин бора аз Маркази бозори озоди Тоҷикистон ба АМИТ «Ховар» хабар доданд.