Тарғиби тарзи ҳаёти солим дар байни ҷавонон

Хоруғ, 2 ноябр. (АМИТ «Ховар», Л.Додо ). – Бахшида ба Рӯзи Сарқонуни Ҷумҳурии Тоҷикистон, 80 – солагии шаҳри Хоруғ ва 20 — солагии Иҷлосияи Шӯрои Олӣ дар варзишгоҳи марказии шаҳр бо ибтикори мақомоти иҷроияи маҳаллии ҳокимияти давлатии вилоят, раёсати ҷавонон, варзиш ва сайёҳӣ мусобиқаҳо аз рӯи намудҳои волейбол, гӯштин ва бокс ифтитоҳ ёфтанд. Дар мусобиқа 13 тими Раёсати корҳои дохилӣ, Комиссариати ҳарбии вилоят, Хадамоти давлатии оташнишонӣ, қисмҳои низомии 01123 ва 2848, ташкилоти мададгори мудофиа, Донишгоҳи давлатӣ, мактабҳои варзишии шаҳри Хоруғ ва ноҳияҳои Шуғнону Роштқалъа қувваозмоӣ доранд.Ҳадафи мусобиқот тарғибу ташвиқи тарзи ҳаёти солим миёни ҷавонон мебошад.