Таъсиси марказҳои хизматрасонӣ

Кӯлоб, 13 декабр. (АМИТ «Ховар», С. Холов).-Дар шаҳри Кӯлоб бо дастгирии мақомоти иҷроияи ҳокимияти давлатӣ ва соҳибкор Шӯҳрати Шомад маркази хизматрасонӣ иборат аз дорухона, шустушӯи нақлиёт, ошхона ва нуқтаи чиптафурӯшӣ бо маблағи беш аз 240 000 сомонӣ мавриди истифода қарор дода шуд, ки зиёда аз 22 нафар сокини шаҳри Кӯлоб бо ҷои кори доимӣ таъмин гардиданд. Бино ба иттилои масъулини мақомоти иҷроияи ҳокимияти давлатии ш.Кӯлоб, дар зарфи се соли ҷорӣ бо кӯмаки соҳибкорон дар шаҳр зиёда аз 13 маркази хизматрасонӣ ба истифода дода шудааст.