Рамазон Раҳимов: «Мо зидди шиканҷаем!»

Душанбе, 18 январ. (АМИТ «Ховар», Саидэҳсони Солеҳ). – Рамазон Раҳимов, вазири корҳои дохилии Тоҷикистон имрӯз зимни нишасти матбуотӣ ба хабарнигорон гуфт: «Инкор намекунад, ки дар Тоҷикистон шиканҷа аз ҷониби кормандони ин ниҳод сар мезанад, аммо онҳо ягон кормандеро, ки ба чунин ҷиноят даст мезанад, дастгирӣ накардаанд ва ин гуна кормандон тибқи қонунгузории кишвар ба ҷавобгарӣ кашида шудаанд». Р. Раҳимов афзуд, сарфи назар аз он, ки ҷинояту ҷинояткорӣ ва қонуншиканӣ миёни кормандони онҳо дар соли гузашта 10,4 фоиз кам шудааст, вазорат ба ин масъала боз ҳам диққати ҷиддӣ медиҳад.