Соҳаи кишоварзӣ рӯ ба афзоиш аст

Душанбе, 26 январ. (АМИТ «Ховар». Фирӯза Давлатова).- Ҳаҷми маҳсулоти умумии кишоварзӣ дар соли 2012 дар ҳамаи хоҷагиҳо аз 16 млн. 477,5 ҳазор сомонӣ иборат мебошад, ки ба соҳаи растанипарварӣ 11 млн. 836,3 ҳазор сомонӣ ва ба чорводорӣ 4 млн. 641,2 ҳазор сомонӣ ё 9,7 фоиз рост меояд.Ҳамчунин Агентии омори назди Президенти Ҷумҳурии Тоҷикистон дар ҳисоботи омори имсола қайд намудааст, ки дар хоҷагиҳои ҷамъиятӣ ва деҳқонӣ 1232567 тонна ғаладона, 417977 тонна пахта, 990615 тонна картошка, 131930 тонна сабзавот, 465039 тонна полизӣ, 314082 тонна меваҷот ва 167101 тонна ангур истеҳсол шудааст.Хоҷагиҳои ҷамъиятӣ ва деҳқонӣ дар 12316 гектар замин зироати барвақтӣ кишт намудаанд, ки дар кишти 842 гектарро картошка, 8626 гектарро сабзавот ва 2773 гектарро зироати хӯроки чорво ташкил медиҳад. Дар соли 2012 дар хоҷагиҳои ёрирасони ҷангалпарварӣ ҳаҷми истеҳсоли ғалладона 601 тонна, пахта 26 тонна, картошка 2667 тонна, сабзавот 82 тонна, полезӣ 8 тонна, мева 600 тонна, гӯшт 19 тонна ва асал 4,2 тоннаро ташкил намуд.