Мардум бо оби ошомиданӣ таъмин мегардад

Хоруғ. 28 феврал.(АМИТ «Ховар», Ҷ. Улфатшоев).- Бино ба иттилои сардори раёсати рушди иқтисод ва савдои ВМКБ Шоҳзодаев Латиф бо оби тоза ё худ ошомиданӣ таъмин намудани мардуми вилоят хуб ҷараён дорад. Аз ҷумла, дар соли 2012 дар 15 деҳаи ноҳияи Ванҷ ба масофаи 56, 4 км хати обгузар кашида шудааст. Мутаносибан дар 20 деҳаи ноҳияҳои Дарвоз ва марказ ба масофаи 61,3 км, дар 20 деҳаи ноҳияи Рӯшон ва марказ ба фосилаи 64,5 км, дар 42 деҳаи Роштқалъа ва марказ ба масофаи 118,3 км, дар 17 деҳаи Ишкошим ва марказ ба масоҳати 59,9 км идораҳои дахлдор хати обгузар кашиданд ва дар таъмини аҳолӣ бо оби тоза саҳм гирифтанд. Дар маҷмуъ дар вилоят хати обгузар 521, 8 км ро ташкил медиҳад ва 99 504 нафар бо оби ошомиданӣ таъмин мебошад.