Аз Афғонистон 10 шаҳрванди Тоҷикистон ба ватан истирдод шудаанд

Душанбе, 11 март. (АМИТ «Ховар»).- Тибқи Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон оид ба истирдоди маҳбусон барои адои минбаъдаи ҷазо дар кишвари худ аз Ҷумҳурии Исломии Афғонистон 10 шаҳрванди Ҷумҳурии Тоҷикистон ба ватан истирдод шуданд. Дар ин бора зимни як нишасти хабарӣ сардори Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон Давлаталӣ Назриев 11 март хабар дод.Ба гуфти Д.Назриев дар айни замон дар маҳбасхонаҳои Ҷумҳурии Исломии Афғонистон 9 нафар шаҳрванди Ҷумҳурии Тоҷикистон муҳлати ҷазои худро адо мекунанд, ки аз онҳо 6 нафар дар маҳбасхонаи «Пули чархӣ» ва 3 нафар дар маҳбасхонаи Қундуз нигоҳ дошта мешаванд.