Гиромидошти суннатҳои миллӣ

Душанбе, 4 март. (АМИТ «Ховар», Зарангез Латифова).-Бо мақсади эҳё ва гиромидошти суннатҳои милливу аҷдодӣ ва дар сатҳи баланди фарҳангӣ таҷлил намудани Рўзи Модар ва Наврўзи байналмилалӣ Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон силсилаи чорабиниҳоро, аз қабили ташкили ҳашару шанбегиҳо, баргузории вохўрии роҳбарияти кумита бо донишҷўдухтарон, озмунҳои маърифатию зеҳнӣ, аз қабили «Ровиёни ҷавон», «Фуруғи ориён», «Гурдофарид», «Зан-оинаи рўзгор», «»Кадбону», «Нури хирад», «Набзи шеър» ва дигар чорабиниҳои фарҳангиву варзиширо пешбинӣ менамояд.Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба АМИТ «Ховар»иттилоъ доданд.