«Ҳазору як дармони дарди Шумо»

Душанбе, 10 апрел. (АМИТ «Ховар», Ҳотам Рабиев).- Нашриёти «Адиб» китоби «Ҳазору як дармони дарди Шумо»-ро бо теъдоди ду ҳазор нусха дастраси хонандагон намуд. Китоб хонданбобу шавқовар аст, зеро дар он мушоҳида, таҷрибаҳои чандинсолаи тибби халқӣ манзури хонанда гашта, барои бардамӣ ва сиҳатии ҳар кас метавонад хизмат намояд. Муаллифи китоб Латофат Насриддинова мебошад.Ҳамчунин нашриёти мазкур китоби Абдувалӣ Шариповро таҳти унвони «Экспозитсия ва экскурсияи осорхона» бо теъдоди як ҳазор нусха нашр намуд. Дар китоб оид ба экспозитсия, экскурсия ва нақшаҳои ояндаи Осорхонаи миллии Ҷумҳурии Тоҷикистон сухан рафта, он ҳамчун дастури илмию методӣ чӣ барои худи кормандони ин осорхона ва чӣ барои фаъолияти осорхонаҳои дигари ҷумҳурӣ маълумоти зарурӣ дода метавонад.