Бозии «Равшан» бо «Ал Қудсия» дар Хуҷанд

Душанбе,9 апрел. (АМИТ «Ховар», Фарзонаи Давлат)-Нимаи дуюми имрӯз, 9-уми апрел дастаи «Равшан»-и Кӯлоб дар даври чоруми мусобиқаи гуруҳии Ҷоми Конфедератсияи футболи Осиё (АФК)дар шаҳри Хуҷанд бо тими «Ал Қудсия»-и Кувайт рақобат мекунад.Дастаи «Равшан», ки дар гуруҳи D бозӣ мекунад, дидорашро бо клуби «Ал Қудсия»-и Кувайт дар варзишгоҳи «20-солагии Истиқлолият»-и шаҳри Хуҷанд мегузаронад. Ёдрас мешавем, ки дастаи «Равшан» дар бозии даври сеюми худ дар мусобиқаи гуруҳии Ҷоми АФК дар гуруҳи D 3-юми апрел дар варзишгоҳи Муҳаммад Ал Ҳамади пойтахти Кувайт аз тими «Ал Қудсия» бо ҳисоби 0:3 шикаст хӯрд ва дар гуруҳи худ дар зинаи охирин қарор дорад. Дастаи «Регар-ТадАЗ»-и Турсунзода бозии даври чоруми худро дар гуруҳи А 10-уми апрел дар сафар бо тими «Кувайт»-и Кувайт анҷом медиҳад. Дастаи «Регар-ТадАЗ» низ дар дидори даври сеюми худ аз рақибаш шикаст хӯрд ва дар садри охири ҷадвали гуруҳ қарор дорад.