Нахустин намоишгоҳи «Авто ретро Душанбе»

Душанбе, 10 апрел. (АМИТ «Ховар», Марзия Саидова).-Нахустин фестивал –намоишгоҳи автомобилҳои коллексионии «Авто ретро Душанбе» 21 апрел дар Душанбе созмон дода мешавад. Ин чорабинӣ дар доираи Рӯзи пойтахт, ки ҳамасола шанбеи сеюми моҳи апрел таҷлил мегардад, гузаронида мешавад. Дар ин хусус раиси шаҳри Душанбе Маҳмадсаид Убайдуллоев қарори марбута ба тасвиб расонид. Тибқи ин қарор нахустин фестивал-намоишгоҳи автомобилҳои коллексионии «Авто ретро Душанбе» дар майдончаи назди роҳи ҳалқавии бурриши кӯчаи Карамов ва хиёбони Ҳ.Шерозӣ баргузор ва паради автомобилҳои коллексионӣ дар самти кӯчаи Карамов, хиёбони Рӯдакӣ, кӯчаҳои С.Айнӣ ва А.Дониш гузаронида мешавад. Дар робита ба ин Раёсати Вазорати корҳои дохилии ҷумҳурӣ дар шаҳри Душанбе муваззаф гардидааст, ки бехатарии ҳаракати воситаҳои нақлиётро ҳангоми гузаронидани фестивал-намоишгоҳ таъмин намояд.